（2025年9月5日）「亞洲影視內容大獎2025」（ContentAsia Awards 2025）昨晚（4日）於台北舉行頒獎典禮，是次共獲得七項提名的無綫電視，最終勇奪1金2銅佳績，當中《今晚乜都拗》更在最佳清談節目組別勇奪金獎，可喜可賀。

得獎名單如下：

對於《今晚乜都拗》勇奪金獎，節目主持森美大表感恩，雖然因工作關係未能親身出席盛會領獎，但森美仍開心於社交網分享得獎感受：「每一個嘉賓都出盡牙力，流埋牙血！你哋嘅牙尖嘴利攞獎啊！」另森美接受官方訪問時，還特別感謝了幕後同事、參與節目藝人及現場所有觀眾：「啲幕後同事好認真架，佢哋每條題目都會自己拗一次先，做完正方再做反方咁。」森美又補充指保守估計，幕後同事為了這個節目，前後度了過百條題目，足證製作認真。森美續指希望透過這個節目，讓電視機前面觀眾多點機會面對面溝通：「我哋希望觀眾同屋企人睇時，兩代之間有唔同觀點嘅，可以就住呢啲無傷大雅嘅題目面對面溝通多啲、從而愈睇愈高興。」

《與天地對話》、《新聞透視：詐騙園進化》奪銅

另誠邀余文樂、姜皓文、林盛斌及蔡思貝真情對話的綜藝節目《與天地對話》，在最佳紀實娛樂節目組別（亞洲特定市場）奪得銅獎。對此，林盛斌（Bob）及姜皓文都大表興奮，阿Bob：「得獎梗係非常之開心啦，可以喺咁多個國家、咁多個類似嘅節目入面得到第三名。其實入咗五強已經當贏咗，攞到銅獎更加係好大嘅鼓勵同嘉許。要好多謝成個製作團隊，特別係監製出心出力去籌備呢個節目，希望下次有機會可以再參與咁大型嘅節目。」姜皓文：「我非常幸運，參加咗一個咁特別嘅節目，《與天地對話》係一個畀我哋同大自然、以及感性地同自己對話嘅一個好機會，在也門呢個特別嘅地方，認識到真正嘅自己，真係一次好難忘嘅感受。」

而無綫新聞部製作的《新聞透視》則憑《新聞透視：詐騙園進化》收穫銅獎。對此，節目監製趙燕婷回應得獎感受：「感謝大會肯定！東南亞詐騙園區影響甚廣，受害者遭虐待，家庭亦被牽連拆散，家財盡失。新聞透視團隊製作專題報道，揭露園區升級詐騙模式，提高港人防範外，更希望透過TVB在華人地區的影響力，將資訊帶到整個華人社會，克盡傳媒責任。」

想知道更多相關精彩資訊，敬請留意www.tvb.com

圖片連結：

https://drive.google.com/drive/folders/1mhVnwH6PbTZoKTOoKffDoJ0beqnymADz?usp=drive_link

圖片說明：

01-05 由森美擔任主持的《今晚乜都拗》，於昨晚《亞洲影視內容大獎2025》中勇奪金奬。

06-08《今晚乜都拗》節目資料圖片

08a 森美於社交平台分享得獎感受

09/09a 曾參與拍攝的Mayanne出po恭喜節目奪獎

10  曾參與節目拍攝的鄧智堅亦有po story祝賀

11-13《與天地對話》奪得最佳紀實娛樂節目組別（亞洲特定市場）銅獎（網上直播截圖）

14-16《與天地對話》節目截圖

16a Bob早前在社交平台分享節目入圍《亞洲影視內容大獎2025》感受

17/18《新聞透視：詐騙園進化》奪得最佳時事節目組別（亞洲區域/國際市場）銅獎（網上直播截圖）